Pune Zomi Kipawlna

India gam, Pune khuapi sung a hi, Spicer Memorial College Sang innpi huang sung ah, April 3, 2009 ni Pa. Cin Sian Muang te inn ah Spicer Zomi Siamsin a  hi thei teng ki kai tuah in Pune Zomi Kipawlna neih ding ki khupna ki nei hi.

 Tua ki kupna tawh ki zui in Ciimnuai Vontawi Zomi te in Pune Zomi Kipawlna ki nei ding in ki thukim hi. Tua kipawlna sung ah a lut nuam te in mi khat ciang in Rs.50 membership fees ding in ki thu kim aa, innkuan tawh om te in, inn lutang khat ciang in Rs. 100 piak dingin thukim na ki nei hi. Membership pen kumkhat sung valid ding aa a kum kik ciang in renew kik zel ding in ki thukim hi.

Hih kipawlna pen a diakdiak in Pune Khuasung aa om Zomi te in Dahna, Sihna khat peuhpeuh tuah ciang in ki en diamdiam aa ki huai diamdiam ding, Phualva itna a paai Ciimnuai Vontawi Zota te in lunggulhna tawh ong ki phuan khia a hihi. 

Kikupna tawh ki zui in hih a nuai aa Sanggam Zomi te in 2009-2010 sung in ong makaih ding in thukimna ki nei hi.

           President            : Tg Kham Khan Khai

           Vice President   : Tg Mung KIm Sing

           Secretary             : Tg Kap Do Thang

            Treasurer            : Tg Thang Khan Suan

           Music & Cultural  : Tg Hau Cin Mang & Tg Pau Muan Thang

Hih teng ki kupna ki nei aa a hun zui in ki puah toto ding hi.